Nos bias veladjes

Vesadje d’on novia r’bond campagnard, Perwez marie le paujerté de ses veladjes à des infrastrecteres de pwinte mostrant inse que l’es possepe de fé remer qualeté de vie èt qualeté de serveces. 

D’one seperfecie de 5081 ha dont 80 % sievenent à l’agrequeltere, Perwez c’est osse despeuye le fesion des comenes les veladjes de Thorèbayes-St-Trond, Thorèbayes les Bèguenes, Orbaye, Maleves Ste Marie Wastenes èt Perwez.

Le comene compte a peu près 10.000 habetants (9.789 en 2025) ce que fè one des comenes les mwins peuplées d’el Brabant Wallon.

Le comene es à l’est d’el d’jonne province èt paurtadje se lemete avous l’province de Namër. Le frontiere sû ce saquant kelomètres l’ancyène pavée romaine que r’loye Bavai à Cologne. Le Comene es arrosée pa sacants p’te rechots, le Grande Gette, le d’Jausselette, le Thorèbaye èt l’Orbaye.

Avous one seteation gèographeque idèale, des zones d’actevetés économeques, des magasés, des scoles (des maternelles au secondaires) èt tos les serveces comenaux (agence de dèvlopmint local, maujone de l’amplwè, crèches, maujones de r ‘pos, guechet de l’ènergie sins rovi on bia centre sportef avous des tèrés de footbal èt de tènis)

Perwez es one place ou tot l’monde pou trover ce que l’a dandji d’ostant que tos es tode en amélioration, rénovation d’el centre sportef, d’el destrebetion d’èwe, des éoliennes, …

Perwez c’est osse one terre a paurtadji, on patrewinne cultûrel èt archetecteral denamezé pa l’associatef fwart actef.

To ca fé d’el comene on modèle de convevialeté pace que demeurer dins on lieu c’est osse le paurtadji, le protèdji èt le fè vequer.

Osse en 2022, le comene de Perwez que té on caractère reral pa l’importance de s’t’acteveté agrecole, sa doté d’one chartre de reraleté po fé remer reraleté èt convevialeté.

Fier de s’patrewine Perwez l’es osse dins s’cauzadje : on bia dealecte mette en vers pa ses poêtes locaux (Louis Henrard, Andrée Flesch, …) mins osse mètte en scène tote les années pas l’troupe « La Bonne Entente » po 2000 djins contins. 

Sins rovi les anemations dins les scoles, dins les homes et à l’bibliothèque que fèynent nos bia dialecte wallon et que nos a vale le label « Perwez dit oye » d’el Fédération Wallonie-Bruxelles.

I faut dire osse que l’comene de Perwez a segné on charte de jemelage avous le vele de Kaysersberg en Alsace en 2008 et avous Orbais l’Abbaye en Champagne-Ardennes en 2016.

Vos l’aros compre, Perwez ne mankrai nè de vos sorpronde au dètour des voyes ou des prominades balesées ceclestes a vèlos ou à pî !

Perwez es sins è doter one comene ou i fè bon veker !